台灣導演傅榆係金馬獎頒獎禮上「播獨」，引起滿城風雨。內地網民即時洗版留言，要她「滾出去」，更有網民指佢係借事件爭取知名度！

當傅榆發表「播獨」言論時，內地演員鞏俐即時全程黑臉、金馬影展執行委員會主席、導演李安即時顯示無奈同尷尬，而隨後上台嘅上屆金馬影帝涂們更直接係開場白「反擊」，稱「特別榮幸再次來到中國台灣金馬做頒獎嘉賓」，並指「我感到兩岸一家親」，佢嘅發言即時獲得現場唔少歡呼；而之後嘅酒會，包括周迅、徐崢、張藝謀、許晴等內地演藝界人士人全部缺席，並拒絕接受採訪，以示抗議。官方方面，內地電視台當即立即暫停直播，事後《人民日報》等官媒亦迅速作出回應，強調「中國一點都不能少」係「毋庸置疑」。而內地網民更是炸翻了天，有網民指「台灣永遠係中國嘅一個省」，更要求封殺台獨藝人；亦有人批評係藝術場合上講政治並唔正確，更有人奚落傅榆，話佢係想借事件提高知名度搏出位而已！

正如網民所講，唔係今次事件，真係有鬼人識佢咩！但為出位而係唔合適場合挑起唔合適議題，係唔係又得不償失呢？

原圖：http://static.stheadline.com/stheadline/inewsmedia/20181118/_2018111810070411081.jpg

金馬獎官網