近日最多人討論的新聞熱話相信一定離不開有大學生兇老師一事，學生起義惡過老師，學普通話解讀成暴政！校園辦公室被入侵，老師遭包圍指責，更被粗言穢語侮辱，要檢查評分標準甚至要廢除科目！

今時今日啲大學生做事真係不顧後果，為了發泄不滿居然可以圍攻老師喊打喊殺！還自以為是拍下發難過程放上網直播。大多市民也將這班大學生的行為與黑社會的做事手法相提並論，皆因整個過程就如黑社會上門追數、恐嚇勒索一模一樣，自己考試不合格就去搞事圍攻老師，唔係諗住兇老師就可以合格呀？咁唔使讀書啦！加入黑幫便可擁有博士學位了。

其實這班大學生嘅行動目的已成功了一大半，可謂十年窗下無人問，一舉成名天下知，橫掂讀極都唔識又唔合格，倒不如藉此搞響個名，又可以為未來晉身反對派鋪路。如果真係咁諗就死得了！今次確實聲名遠播，可惜係臭名！日後出社會工作時不知有什麼顧主夠膽聘用閣下，老闆話您做錯嘢您分分鐘拖馬入侵公司、圍攻老細要求取消工作，不是誇大的，尊師重道也不懂，老闆算什麼呀！

繼續進修去？重有學府咁勇收班大學流氓？早前有報導被取消議員資格的游蕙禎申請去台灣一科技大學讀書，慘被台灣當局拒絕，但當事人就解釋從來沒有申請，可能同名同姓吧！真真假假只有佢自己同學校最清楚，但點都好，基本上無人會捉隻老鼠入自己米缸，找死！同學們，停一停諗清楚係咪要衰落去啦！

原圖：https://www.facebook.com/HKBUSUpage/photos/a.167416080074898.1073741829.166180730198433/948293545320477/?type=3&theater;

http://static.stheadline.com/stheadline/inewsmedia/20171013/_2017101322014377127.jpg

投票已截止，多謝支持