立法會補選前夕，除了泛民爭奪戰外，最廣為人知的一定係DQ這字眼！

日前香港眾志周庭被DQ喪失參選資格，泛民人士齊齊出動力撐聲援，又去搵律政司司長，又把事件與前議員詹培忠相提並論，又開記招不斷批評政府！表面看來的確團結一致，可惜鬧劇背後卻隱藏著無數山頭主義、勾心鬥角和冷酷無情的奸笑聲！

周庭其實都幾天真，自己所屬的香港眾志以「民主自決」為旗幟，「港獨」倡議者的意識形態更表露無遺，路人甲都知這是事實，唔係諗住無講過就當無搞「港獨」呀？一早都知入閘機會微乎其微，還要獻醜？天真！但就嚇親一班泛民中人了！

話就話團結一致，其實各懷鬼胎，自己黨內多個立法會議員好，定係議席在您手裡好呢？更何況泛民一直都唔多妥自決派，不咬弦、經常衝突就係人都知！好彩周庭一早被DQ，否則泛民被「𠝹票」外，若一個唔覺意勝出後才被DQ就頭痕了！

到時又要再協調，又要貼錢搞初選，重要諗埋啲Plan A、B、C、D……，果真勞民傷財！搞下搞下又到換屆選舉，佢哋又可以「坐定定響到，得正正響到，乜都唔使做。」納稅人啲錢就咁被班友燒光哂！最可笑還大條道理鬧政府剝奪佢地政治權利，您去玩遊戲又唔遵守遊戲規則，點可怪罪於人呢？

至於姚松炎，就更加唔駛再諗啦！選民支持佢入立法會，佢就一朝得志、語無倫次，宣誓玩嘢全是咎由自取，剛剛被DQ轉個頭又想入閘，咪玩啦！泛民終於得嘗所願了，先有馮檢基被迫退，繼而周庭被DQ，隨後姚松炎，今次重唔係Plan V！

除姚松炎外，西九補選已報名參選人有鄭泳舜、蔡東洲、袁海文。

原圖：Now新聞截圖;

http://static.stheadline.com/stheadline/news_res/2018/01/28/58226/i_595x397_303720108.jpg

投票已截止，多謝支持