港澳辦常務副主任張曉明，昨日在一個基本法論壇上明確提出：「愛國愛港者治港，反中亂港者出局」。可以說，這是回歸以來，中央對搞亂香港的反中亂港者，最明確最嚴厲的警告。
具體的意思是，今後的一國兩制，港人治港，那些緊抱西方大腿的反中亂港之徒，不要再奢想可以再有任何機會，可以在香港的政治體制內擔任公職，然後糧照出，反中亂港照搞。
中央已經決定揸正來做，幫香港撥亂反正。這個結果，是反對派過去幾年，玩一國兩制玩得太盡太過分，貪勝不知輸的咎由自取，即係我哋俗語講嘅抵死。
今次反對派四人被DQ，除咗幾個西方國家烏蠅吱吱叫，點解本港社會的反響不大？原因好簡單，反對派同黎智英玩反中亂港，玩得太絕太過分。
真正讀過中國歷史嘅人，有邊個會唔知道中國人最痛恨挾洋自重嘅漢奸？叫外國政府制裁中國和特區政府嘅人，其實係自掘墳墓，自絶喺香港嘅從政之路。
都係人稱「喬老爺」嘅原香港基本法委員會主任喬曉陽講得直接，一針見血。佢話「去年嘅反修例黑暴，嚴重危害香港，突破一國兩制底線，中央是一忍再忍，忍無可忍，不能再忍。」
電影《無間道》有句名言，叫做「出得嚟行，預咗要還」。香港嘅反對派、攬炒派、港獨派，已經串聯成三位一體，引外力搞港獨，喺街頭同埋議會搞攬炒政變，危害香港一國兩制和國家主權，佢哋係時候要還啦。
作為體制一部份的區議員、法官和公務員，應該陸續安排重新宣誓，宣誓內容除了效忠特區和擁護基本法，還應該加入擁護國安法，反對港獨等內容。願意宣誓嘅就留下，唔願意嘅就請離開，將中國香港特區的公職留返畀真正嘅中國香港人。
反對派聯同港獨黑暴打爛咗好多香港人嘅飯碗，係時候以其人之道，還治其人之身了。
一二月時非法罷工的醫管局醫護人員，局方一定要堅決查明，採取嚴肅紀律行動，必要時將情節嚴重者予以開除。如果害怕逢中必反嘅醫管局員工陣線工會罷工威脅，政府和局方大可向中央舉定手，必要時請求中央派人支援香港醫療服務，順便趁機換血，將個別政治上腦、缺乏醫德嘅黃色醫護，踢出公營系統。
撐暴嘅一些黃社工和黃教師，亦要繼續追查。吃一國兩制嘅飯，又砸一國兩制嘅鍋，呢個世界邊度有呢種政治倫理？查明真係反中亂港之後，不能升遷，應該係最低消費。同樣，情節惡劣嘅，當然就要取消註冊或者炒魷魚。
破壞一國兩制，搞暴力港獨的，唔通仲要請佢食鮑蔘翅肚？未來政府委任公職、大學校董和頒授勳章，任何勾結外國勢力、鼓吹港獨攬炒、逢中必反的人，都必須嚴格把關，落閘防止其再滲入特區體制。呢班燒壞腦嘅人，佢哋要嘅係港獨革命，而革命係唔會有請客食飯呢回事！
反中亂港者除了出局被DQ，反對國安法嘅攬炒派區議員，還有那些撐暴嘅黃法官、黃醫護、黃社工、黃教師等等，大家更不能再像從前輕輕放過，這次一定要對他們追究到底！揪出來，該DQ的DQ，該檢控的檢控，該炒魷的炒魷！
http://www.takungpao.com.hk/hongkong/text/2019/1014/361251.html
投票已截止，多謝支持