林卓廷身兼立法會議員及上水石湖墟區議員，「貴」為雙料議員，理應日理萬機，但查實佢邊度有水抽，邊度就現身。繼早前「釘書機」林子健妄想被公安擄走，林就立刻飛撲出嚟開記者召待會；後又成立所謂的「天下為公」，賴死調查梁振英的UGL事件。反而完全對上水石湖墟的民生事務，包括水貨客，大塞車等置之不理。北區居民早已對佢怨聲載道，話後悔選佢做區議員。

林卓廷對北區居民啲指控置若罔聞，反而仲夠膽死係《蘋果日報》撰文，質疑民建聯係咪「真誠為民生」。佢係文中大言不慚咁批評民建聯否決係立法會辯論「升降機安全」，同埋用「權力及特權條例」調查港鐵沙中綫紅磡站鋼筋接駁造假事件。

特首林鄭月娥早已係立法會答問大會上，明言政府願於支援更換升降機作政策及財政承擔。既然政府已有決定，咁立法會仲洗咩去討論？其次，民建聯明明同意由政府成立獨立調查委員會，調查沙中綫紅磡站鋼筋接駁造假事件（林鄭亦已委任夏正民法官獨立調查），點解林卓廷仲要死咬唔放，老屈民建聯？

林卓廷係文中話︰「《西遊記》中，照妖鏡是一個非常厲害的法寶，能辨真假」，水貨客橫行、北區大塞車、人「喼」爭路等問題，唔係拆左個電話亭，同埋出嚟抽兩句水就可以解決。「北區照妖鏡」就照出林卓廷偽君子嘅真面目。

原圖︰林卓廷Facebook

投票已截止，多謝支持