香港高鐵開通，中港溶合加快！之前有唔少人都質疑高鐵成效，當然就包括黃媒《蘋果》。不過佢哋自己派人試過之後，都要認高鐵快一啲！

早前《蘋果》為咗做衰高鐵，專登派咗三組人用三種方法上廣州。三組人朝早8點半一齊由尖沙咀「五支旗杆」出發，分別乘坐直通巴士、直通車及高鐵。由香港去廣州上下九街嘅蓮香樓。佢哋更話為咗確保測試公平，高鐵組記者坐首班直達廣州南站嘅「和諧號」高鐵，而抵達廣州市後，直通車組及高鐵組則分別轉乘廣州地鐵。最後，高鐵組同咗2個鐘頭15分鐘到達目的地，直通車組就用咗3個鐘，直通巴組更用咗4個鐘頭15分鐘添。面對高鐵嘅表現，《蘋果》都只有死死氣認高鐵更快，不過佢哋當然又會加上票價貴嚟反駁啦！