香港爆發登革熱！不少議員都教大家防蚊知識，民建聯立法會議員柯創盛更親自落區教街坊自製有機天然蚊怕水，效果相當不錯。反對派議員朱凱廸亦有樣學樣，聯同前議員姚松炎拍片搞直播，仲用所謂嘅「專業角度」講解後巷衛生問題。

片中只見朱姚兩人匿埋間房入面，坐喺張梳發到玩手機，搞咗一輪先講後巷嘅污水渠問題。之後姚松炎就大發謬論，仲教大家要搞清楚後巷嘅業權，睇吓係屬於政府定私人負責衛生問題。

姚松炎又教大家睇建築物圖則，睇吓條污水渠係咪僭建，之後又講解供水系統、雨水渠同污水渠，以及冷氣機排水渠等結構。講咗將近30分鐘，先話最緊要係疏通渠道防止積水。

嘩，滅蚊都要講業權？朱凱廸同姚松炎係咪傻㗎，教人撲滅登革熱，唔親自落區示範都算，仲坐喺梳發度攞幾張相講幾句就當滅蚊，真係睇到火都嚟！

原圖：朱凱廸Facebook專頁截圖

投票已截止，多謝支持