2014年佔中行動後，政府至今控告9人，包括公民黨嘅陳淑莊同社福界嘅邵家臻。而根據《東方日報》報導，邵家臻就向立會報備，曾多次收咗「守護公義基金」同「核心價值基金」嘅「捐款」，總數多達57萬。

根據立法會議員個人利益登記冊，邵家臻最早舊年七月申報，自己係「守護公義基金」同「核心價值基金」嘅可能受益人，同年十一月，佢分別收咗兩個基金各10萬元同17萬元。到今年四月及七月，佢又收咗「守護公義基金」10萬元同20萬元。幾次加埋，佢前前後後都收咗成57萬元。「守護公義基金」係由佔中學者陳健民同朱耀明係2016年成立，主要係為被DQ嘅幾個反對派議員籌訴費。DQ案完咗後，又改為話幫佔中被告嘅9人。期間基金更借多次活動Cap水籌款，咁其實啲錢就係市民出嘅。邵家臻Cap Cap埋埋成57萬，佢就話係用嚟打官司，自己冇經手而且有收據；而「核心價值基金」嘅款項，就係專業議政籌款捐助佢嘅心意喎。

依啲捐款並唔係反對派自己出嘅，全部都係以各個名義搞活動搵市民捐嘅。亦即係話，政治油水就佢哋自己要，打官司就由市民埋單！邊有咁著數！一於唔好再捐錢依啲基金，等反對派自己解決問題！Like！

原圖：http://static.stheadline.com/stheadline/inewsmedia/20170908/_2017090823005043136.jpg

http://static.stheadline.com/stheadline/inewsmedia/20170327/_2017032710223993864.jpg

 

 

投票已截止，多謝支持