2019年黑暴期間在深水埗購買多支鐳射筆，搞到滿城風雨的浸大學生會前會長方仲賢，因妨礙司法公正和拒捕罪成入獄九個月後，日前刑滿出獄。

新聞多多的是非人，始終就係是非人，連坐完監出獄都要玩高調。

社會普遍的共識是，入獄服刑是一種做了違法的事，接受法律制裁和承擔後果的懲罰，而且通常都要留案底。除咗利用坐監博取政治利益嘅政客外，對於出獄，一般正常人都唔會覺得坐監係「光宗耀祖」，出獄時大多會選擇低調回家。

但這個是非多多的方仲賢，出獄仍然不改高調。根據報道，其母在兒子出獄之日帶同唔少親友，一早去到監獄門口迎接方仲賢，大有眾星拱月嘅氣派。這還不止，方母更大呼呼的在監獄門口，安排了一場令人側目的消災解厄儀式，吸引記者報道。

對香港充滿怨和恨

何謂身教和是非觀，見微知著，唔使多講，方仲賢點解經常畀人的一種狂和囂的感覺，從呢種監獄門前的高調和出位，相信大家都已得到答案。身教和家教真係好緊要！

當然，出獄玩咁高調嘅儀式，冇咁上下身家財力，係好難做到的。這不禁令市民想起方仲賢母子二人，家住九肚山獨立屋，方仲賢二十出頭就已自己擁有清水灣豪宅，又有波子跑車的非常富貴。古語有云飽暖思淫慾，方仲賢咁熱衷黑暴政治，莫非是飽暖思革命？

2020年12月方仲賢被捕時，曾有傳媒報道，警方有可能追查他一家的收入來源是否合法。一年多過去了，相信好多市民都好想知道，調查有結果未？

喺香港成長，過着安逸富貴生活，但對香港充滿怨和恨，係方仲賢的另一特徵。出獄當天，方仲賢自爆即將會離港赴英到英國大學進修，記者問他會否唔捨得香港？他悻悻然回答：「無，呢度只會沉淪！」

好一句「呢度只會沉淪」，這六個字除咗反映方仲賢心裏充滿怨和恨，亦令人感覺佢對香港嘅詛咒奚落，除了心地黑外，而且不加掩飾，直接宣之於口，十足十是位怨婦，可以乾脆稱之為「怨婦青年」。

媚洋崇外 時時抱怨

當然，好似方仲賢呢種「怨婦青年」，由於回歸以來黃色洗腦教育嘅誤導，今時今日實為數不少。他們的普遍特徵是戀殖和媚洋崇外，對英國殖民統治香港時期盲目唱好，又總係覺得外國的月亮比香港圓。

「怨婦青年」嘅另一個特徵係成日怨，怨呢樣怨嗰樣，未學行先學走。除咗盲目仇共反中，經常口若懸河，開口埋口「民主人權自由」一大堆外，其實好多都脫離現實，唔知乜嘢叫做世界艱難。

好似呢個方仲賢含着金鎖匙出世，很可能自己從未賺過一分錢，未對社會貢獻過什麼，但就對社會要求多多。佢最終因為犯法而入獄，因此心生怨恨，港孩嘅標準反應，老羞成怒，革命至上，更加偏激，可想而知。所以話一句「呢度（香港）只會沉淪」，早已說明一切。

其實好似方仲賢的黃友，走去英國讀書又好，移民又好，要走就走，香港江山代有人才出，香港又係一個自由出入嘅地方，誰稀罕？

君子相分，不出惡言。這種傳統中國道德，膜拜西方價值嘅方仲賢，當然一點都不懂得，所以就算臨走都要詛咒香港沉淪，對香港這個他成長的地方一點珍惜和感恩都沒有，這亦是典型嘅黃友心態。

香港需要熱愛香港、懂得和而不同和尊重別人嘅青年。對於那些只懂得終日怨呢樣怨嗰樣，自己「永遠冇錯」嘅「怨婦青年」，香港不要也罷。所以方仲賢赴英，香港人好有口德，唔會祝佢「沉淪」，只會祝佢好行夾唔送！

原圖︰星島日報

https://std.stheadline.com/realtime/article/1438525/即時-港聞-浸大學生會署理會長方仲賢被捕-涉藏攻擊性武器及妨礙司法公正等

投票已截止，多謝支持