歌手何韻詩有幾「黃」，毋須多講，香港人都心中有數。

9月1日上午，何韻詩自己對外公佈，原定9月6日至12日舉行，在灣仔壽臣劇院的七場演唱會，被劇院擁有者的香港藝術中心取消場地預訂。換句話講，何韻詩被香港藝術中心DQ。

對於藝術中心拒租場予何韻詩這個結果，喺香港有幾多人會覺得「意外」？答案應該係冇！何韻詩自稱係「歌手」，但佢最出名唔係唱歌，而係參與激進政治。

成名於參與激進政治

演藝上用「半紅不黑」形容佢或者最為貼切，不過佢因撐黑暴、唱衰中國嘅出位言行，就令佢頻頻見報。

演唱會臨門一腳被取消場地預訂，何韻詩當然深有不忿，所以佢話「遺憾和堅決反對」。「堅決反對」？你估你係外交部發言人咩？藝術中心按照條款，按照社會和相關法律情況，取消場地預訂，是合適和負責任的做法。

何韻詩話自己團隊仔細檢視過演出內容及宣傳資料，認為當中「絕無危害公眾秩序和觸法的可能」。有冇風險，並唔係何韻詩可以自圓其說的，而係場地擁有人自己的判斷。以何韻詩一直以來嘅出位政治言行，搞公眾聚集包括演唱會，隨時就有安全和法律風險。

早前有報道指出，紅磡體育館等場地早已拒絕何韻詩的訂場。藝術中心作為政府支持的文藝機構，當然應該跟隨。演唱會是康樂娛樂，滲集高度政治人物，演唱會變調機會誰敢話冇？

涉及612基金 或被關注

事實上，在上月18日，何韻詩才與陳日君、吳靄儀等人，以信託人身份，為被質疑撐暴的「612人道支援基金」召開記者會。在《港區國安法》實施之後，支援涉黑暴案件人士的「612基金」，早已十分「刺眼」。何韻詩作為基金的信託人，當然也是令人擔憂的可能「出事焦點」。

事實上警方已要求「612基金」的相關人士，在指定限期內，提供組織運作及資金往來等資料。又要做「歌手」，又要搞「革命」，呢個世界邊有咁便宜？何韻詩需要自己知自己事。

當然，可以預計嘅係，例牌又會有啲人走出來講乜嘢「寒蟬效應」等的老生常談。但這些都是事實嗎？香港嘅演藝圈，有邊個藝人會好似何韻詩咁樣深度玩政治？2014年佔中、2019年黑暴顏色革命，又去聯合國人權委員會和美國國會唱衰中國⋯⋯何韻詩究竟係一個政客？抑或係一個「藝人」？大家不妨細心諗諗，關乜嘢「寒蟬效應」嘅事？

至於話何韻詩被取消演唱會場地租借，會令創作或意見表達受影響，其實亦係言過其實，危言聳聽。一個社會，基本的規範和法律，從來都擺在那裏，你不踩界觸犯，又何來什麼「受影響」？你不觸碰國安紅線，又邊個得閒理你開演唱會？

何韻詩嘅黃色政治言行，足以為香港人帶來示範和警惕作用。唔跟黑暴切割，緊跟美國和黎智英嘅路線，喺香港唔會有前途！

大家有目共睹，去年《國安法》實施之後，黑暴大為收斂，香港回復安定。但何韻詩的反中亂港言談氣燄有否收斂？相信好多人都覺得冇，覺得佢仍然當《國安法》無到。所以唔租場畀佢，擔憂有出事嘅風險，實屬當然。見過黑暴，鬼都怕黑，人之常情。所以取消何韻詩租場，完全符合《國安法》下的香港新形勢，安全至上，無可厚非。

原圖：HOCC Facebook

https://www.facebook.com/photo/?fbid=315718763246252&set=pb.100044243928527.-2207520000

https://www.facebook.com/photo.php?fbid=398599661624828&set=pb.100044243928527.-2207520000..&type=3

投票已截止，多謝支持