港台利君雅經過被兩次延長試用期之後，昨日終於確定不獲續約，須於本月底離職。也即是說，現職港台助理節目主任的利君雅，不能轉做公務員。

利君雅落得今日這個不獲續約的結果，如果用幾句成語來形容，諗都唔使諗，腦海會即時浮現出「求仁得仁」、「咎由自取」、「早知今日，何必當初」。

凡事有因有果。2019年黑暴勢凶夾狼之時，利君雅作為一個公營廣播機構的記者，當時做過什麼？為何會成為「黃絲女神」？靠什麼上位出名？

執包袱只可怪自己

相信唔使多講，2019年7.21之後的那場記者會，利君雅對特首好似黑暴來勢洶洶的無禮狙擊，相信大家都記憶猶新。當日有失記者身份的遠因，造成今日要執包袱之結果，自食其果，好合理，完全符合因果定律，怪得邊個？只能夠怪佢自己。

另外，俗語說，知恥近乎勇，在不獲續約這件事上，利君雅卻連自知之明都沒有，更不要說什麼知恥了。2017年10月入職港台的她，原本三年的試用期，理應到2020年10月就可以轉任正式公務員，結果因為前年出現大量對她的投訴，港台需要先後兩次延長她的試用期，以便作出調查。

任何有自知之明的人都應該明白，試用期一再延長，未坐正就接獲大量投訴，這個職位仲可以有幾大機會「留低」？同屬港台記者，被質疑為台獨宣傳的唐若韞，在引發社會輿論爭議之後，早前尚且懂得自己辭職，知所進退。但利君雅先後兩次簽字接受延長試用期，如果佢唔係過分自信或心存僥倖，就肯定係搽咗好厚嘅面懵膏。

港台絕非獨立王國

《國安法》已經頒布快將一年了，如果仲有人以為港台還可以繼續做反中亂港、不受監督嘅獨立王國，佢應該去睇吓精神科醫生。

早前港台節目《鏗鏘集》女編導蔡玉玲，被法庭判處車牌查冊作虛假陳述罪名成立，罰款$6,000。連法庭判決都已經變相表明，港台唔係大晒，記者沒有特權，受港獨黃絲追捧嘅利君雅，仲好意思留在公營的港台嗎？「格格不入」呢幾個字，佢究竟知唔知點解？

鍾意咄咄逼人，冇禮貌叫人「講人話」嘅利君雅，像一個政客多過似一個記者，港台不用她，絕對沒有損失。公營廣播機構需要的是安分守己、客觀公正的新聞人員。任何給市民強烈政治取向，尤其是那些給人強烈反政府感覺的人，都不應留在港台，更不配做公務員。食碗面反碗底，吃裏扒外，係一種精神分裂。

利君雅不獲續約，完全值得燒炮仗！如果港台有一個最令人反感的黃色員工選舉，利君雅肯定好大機會坐亞望冠。年燒10億公帑，卻一直問題多多，港台最受人詬病和不齒的，就是不少員工出政府糧反政府。如今利君雅不獲續約，只是撥亂反正的一小步。港台仲有冇得救？有空再另文再同大家分析。

原圖︰星島日報、視點31截圖

https://std.stheadline.com/realtime/article/1275482/即時-港聞-工會指管方同意-頭條新聞-下季可復播-港台稱不一定

投票已截止，多謝支持