47名反對派涉嫌組織或參與「35+初選」，被控串謀顛覆國家罪，案件昨日在西九龍裁判法院繼續審理。公民黨主席、資深大律師梁家傑喺庭上突然表示，終止代表譚文豪、楊岳橋、郭家麒及李予信，並宣布4人已退出公民黨。

呢個時候退黨，可能為黨友留一點後路啦，甚至有少少交代後事嘅感覺添。但人點都會捉緊最後一點希望嘅，4個人親身上陣自辯，對本身就係律師嘅楊岳橋應該冇咩難度。

大狀果然係大狀，楊岳橋又再喺庭上爆出金句，佢邊喊邊講，話自己身為大律師，估唔到要喺被告欄玻璃後邊做陳詞，又話5年前嘅3月2日自己宣誓就任立法會議員「為香港而奮鬥」，但5 年後嘅 3 月 2 日，就為緊自己自由而奮鬥。

回想起17年嗰陣，楊岳橋同班年青人講嘅核爆級金句「案底令人生更精彩」，雖然佢事後都有道歉，但呢個標籤楊岳橋呢世都搣唔甩，依家仲同呢句愈行愈近，所以話，人講嘢有時真係要留幾分餘地，唔係到時樣衰嘅就會係自己！

👇 記得Follow 我哋 👇
IG: instagram.com/silentmajority.hk/
FB: fb.com/silentmajorityhk
Weibo: weibo.com/u/6655322587
Youtube : youtube.com/silentmajorityhk