侵侵經常發謬論、串錯字，錯文法，大出洋相，早已成為國際笑話。可惜佢自我感覺良好，認真無賴。佢曾經話過任何在國歌期間跪下嘅人都係「婊子的兒子」（son of a bitch），但呢位第45屆美國總統竟然髹錯美國國旗顏色，意外變成俄羅斯國旗。引來大批網民恥笑，話「唔怪得要通俄啦」，仲話佢「小學雞都不如」！

總統和第一夫人梅拉尼婭於當地時間星期五（24/8）飛往俄亥俄州，參觀當地一所兒童醫院。參觀期間，侵侵遇到幾位小朋友正在工作紙上髹國旗顏色。為顯親民，侵侵二話不說，坐係兒童椅上一齊髹。不過，侵侵似乎唔知道美國國旗只有紅色同白色條紋，佢竟然係本來紅色條紋嘅位置上髹上藍色，將美國國旗變成俄羅斯國旗！

美國國旗上嘅13條間條紋，象徵住美國最早建國時嘅13個殖民地。侵侵咁都髹錯，係咪代表佢連美國歷史都唔知？侵侵口口聲聲批評美國人唔愛國，點知自己連國旗都髹錯，真係連小學雞都不如！難怪被美國網民瘋狂恥笑，認真抵死。

原圖︰https://twitter.com/agirlcalledlina/status/1033377819148148736

https://mobile.twitter.com/SecAzar/status/1033142676424679425/photo/3

投票已截止，多謝支持