大家都知道理想同現實，從來都有一段好大嘅距離。自《香港國安法》出台後，唔少黃友為呼吸「自由空氣」而選擇移民英國，但人到海外又伯否從其「黃」願？單看英國近日的罷工愈演愈烈，50萬人參與罷工，尤其醫護亦參與其中，實令人擔憂。近日商業大臣夏博思批評，罷工是將生命置於危險中。人在當地或連出門也受限制，所謂「自由」是否一廂情願？

如果大家還記得上月底，英媒報道一名移居英國的27歲香港女碩士生輕生的新聞，更是叫人不勝唏噓。27歲是人生事業剛剛起步，仲有無限風光等待自己去探索、發掘嘅年齡，卻因為外國生活迫人而了斷生命……

死者已矣，但願安息。不過，這又再次令人反思移民議題。

有香港女子不堪壓力輕生

慘劇中的香港女子，有外國生活經驗仍抵不住壓力，可以見到人在外國，生活絕非一些KOL口中唱好，就可以解決的問題。其實，不時有耳聞一些移民後回流的消息，同樣證明這並非冰山一角，如果積蓄唔夠多，荷包唔夠厚，貿然選擇移民，結果可能只是失望收場……

所以，做移民決定前必定要三思，理想同現實之間的距離，必須考慮清楚。生活是現實問題，所謂追求理想絕不能罔顧現實，當英國打開大門之時，姑勿論其用意何在，自己能否適應當地生活、文化至為重要。

另外，亦要認清香港與其他地方，是否有截然不同的分別。

以英國為例，口說民主自由，大力批評港府。但自己又是如何對待罷工？甚麼擬立法遏制罷工、修訂《公共秩序法案》遏示威權利，當你懷抱「民主夢」去英國，會唔會先發現原來西方講一套做一套？

俗語有話在家千日好。香港安穩咗唔少個年頭，有人借機挑動，掀動情緒，在某些人口中香港淪為一個「十惡不赦」嘅城市，令人忘記香港是我家，忘記咗和平係繁榮嘅基礎，忘記咗香港其實比上不足比下有餘。

香港人喺香港可以自己當家作主，何必人哋講兩句就要走？就用而家情況嚟睇，英國同香港前景比較，英國點睇都係得個差字，寒天飲冰水嘅滋味係點，相信近兩年㷫烚烚移居英國嘅港人，有苦自己知。係唔係貼錢買難受，只有佢哋自己最清楚。

俗語話冇捱過生活之苦嘅人，就不懂得乜嘢叫珍惜，更加唔會明白乜嘢叫做在家千日好。但究竟可唔可以足夠警醒盲目仇中仇港嘅人士，呢個就睇佢哋嘅造化。

 

原圖︰幫港出聲、now新聞截圖

 

 

 

投票已截止，多謝支持