在完善選舉制度後，立法會罕有出現議員被下令逐出情況。實政圓桌立法會議員田北辰9月9日在衞生事務委員會上，遭主席張宇人下令逐出會議室，但田北辰未有動身離開，繼續反駁，最後張宇人宣布休會5分鐘，復會後田北辰已離開會議室。

事緣田北辰向醫務衞生局局長盧寵茂質詢會否放寬入境政策至「0+7」，盧表示「當局已優化安排，未來會繼續監察數據」。田北辰不滿答案，插口追問，馬上被張宇人打斷：「你等局長答晒先啦，好冇？你同我講野，唔好直接同局長講野，你等佢答埋先。」田北辰不忿道：「主席你唔使咁樣。」

張宇人立即反擊批評田北辰無禮貌：「我已經同你做同事做咗好耐，你係時時都插口，喺局長、任何官員答嘅時間，我希望你有啲禮貌，等人哋答完先，你唔好插落去。」田北辰不甘示弱說：「主席，你插口，我就唔覺得你好有禮貌。」

兩人其後直接駁火，張宇人多次下令「熄田北辰個咪」，田要求張補回一分鐘發言時間「你燒晒我時間主席」，但張堅拒：「我唔會俾任何時間你！」隨即下令熄咪，並警告他若繼續發言會請他離場。田繼續在位上抗議，張隨即叫秘書處請他離場，但田拒絕離開，張則說：「唔緊要啊，你係咪想我請你出去? 我唔介意㗎。」張又批評：「你從來都係，多年嚟，官員答問題嘅時間，你永遠插個嘴喺度，其實你問問題，官員答問題，唔係得你個人聽㗎，其實市民都聽緊，其他同事聽緊，我有責任俾官員去清晰清楚答你問題。」，最後張宇人宣布休會5分鐘，復會後田北辰已離開會議室。

 

原圖：立法會視頻截圖

👇 記得Follow 我哋 👇
IG: instagram.com/silentmajority.hk/
FB: fb.com/silentmajorityhk
Weibo: weibo.com/u/6655322587
Youtube : youtube.com/silentmajorityhk

 

投票已截止，多謝支持