2019年黑暴顏色革命失敗，英國乘機推出「BNO 5+1」移民計劃，想在香港製造分化，而這一波移民潮離港赴英的，好多都係那些不甘「革命」失敗嘅黃友。當然亦有一定數量「人哋移民佢又跟住移民」嘅跟風派，亦跟着這個大潮去咗英國。

香港從來都是出入境十分自由便利的國際城市，移民香港或移出香港，每日都在發生，香港人早已習以為常，見怪不怪。89六四之後、九七回歸前後，面對移民潮，香港人有乜風浪未見過？所以面對這一波主要是赴英的人口移動，亦冇乜大不了。

但黃營和黃營背後蛇鼠一窩嘅西方媒體，最鍾意渲染香港人移民英國係一件「天塌下來的事」。其實這種渲染只係佢哋自欺欺人下嘅一種自我安慰，亦係西方借助輿論慣性唱衰對手的一種惡習。幾個月前，西方媒體不是一窩蜂報道俄羅斯總統普京「身懷絕症、時日無多」嗎？講到言之鑿鑿，結果普京如今不是仍然完好無缺，還頻頻亮相，甚至還跑到鄰國出席會議嗎？所以西方媒體嘅宣傳戰，係維護西方利益嘅一環，不可盡信。

據統計，2019年至2021年香港人口淨流出約13萬人，今年首季就約為14萬人。這些都是一些硬數字，放在總人口七百多萬的香港，沒有什麼值得大驚小怪。就算這些人全部真係移民晒去英國，今時今日香港還不是每日照常日出日落？事實上，近期隨着抵港防疫隔離日數減少，每日經機場入境香港嘅人數已經翻倍。香港的吸引力在於佢獨特嘅魅力、商機和背靠祖國，唔係嗰啲心理葡萄嘅人隨便唱衰幾句就會倒下。

講返一大班黃友移民去英國，佢哋係咪真係咁「好景」？係咪真係去到英國就即刻活在「烏托邦」，快活過神仙呢？？答案我諗係因人而異。但最近有關英國的報道，例如物價失控、通脹驚人、罷工不斷、又換首相等等嘅新聞，無論從什麼角度看，都肯定唔係好事，而係名副其實嘅負面消息。

香港雖然也正面臨通脹和加息問題，但相對於英國失控的通脹數據，其實只是微不足道。在剛過的7月，英國的通脹率高達10.1%，創了40年新高，是七大工業國中表現最差的一國，而且還在惡化中。花旗銀行甚至預測，英國的通脹在明年初將會攀升到18.6%。這樣的通脹率十分嚇人，大多只會出現在第三世界國家，但如今卻在大不列顛島日日上演。對於最近一兩年趕去英國移民的黃友們來說，佢哋走得快並沒有遇上好世界，反而係趕路踏上了一列失控的通脹列車。

罷工潮一浪接一浪

更要命的是，推動英國今次通脹急升的元兇是生活必須的食品和能源價格上升。其中日常食物例如牛奶、芝士、麵包和雞蛋的價格，上月已經按年大升超過百分之十！而一個普通家庭的一年電費開支，預計很快將會高達5萬港元！換句話講，唔計柴米油鹽醬醋，唔計衣食住行，移民去英國過「民主生活」嘅黃友家庭，佢哋每年就要先乖乖奉上5萬港元嘅電費。

對於帶着大疊鈔票由香港移民去英國嘅家庭嚟講，這當然對佢哋冇乜影響。但對於嗰啲「人哋移民佢又跟住移民」，而且口袋裏沒有大疊鈔票嘅跟風派來說，人到了英國，今個冬季肯定係一個好難捱的寒冬。香港冬天有時都會好凍，但就算點凍都唔會夠英國凍，在英國真係要開暖氣過冬的。但電費和燃料價格暴升，點過冬？

連英國本土嘅人都覺得通脹急升下的日子難過，甚至有倫敦市民慨嘆飲唔起啤酒。而因為人工追唔上通脹的罷工浪潮，包括碼頭和鐵路工人、郵差、甚至大律師，亦正在排隊罷工……係咁嘅情況下，你估英國政府仲可以撥出幾多預算，來照顧你班由香港來英國呼吸「自由空氣」嘅黃友呢？英國目前已經係泥菩薩過江自身難保，唔通仲會畀你「BNO 5+1」嘅黃友們全包宴？相反，成日俾黃友們嫌三嫌四，鬧到一文不值嘅特區政府，為咗幫助市民應付通脹，反而今年可以向每個成年香港市民派發1萬元消費券，而移咗民嘅黃友們，從今以後將不再有這種福利了。

根據經濟學理論，如果要壓抑通脹，加息和削減公共開支都是有效手段，但副作用是會引起失業率上升和經濟陷入衰退。一旦失業率上升，人浮於事，搵工困難，移民英國的港人如果銀包唔夠厚，日子真係會比香港好過？呢個世界骨氣係重要，但台灣人常講嘅「理想很豐滿，現實很骨感」呢兩句話，對於到咗英國正在親身體驗經濟寒冬嘅黃友們來說，佢哋應該別有一番滋味吧！畢竟寒天飲冰水，點滴在心頭，有苦自己知。所以，移民英國係咪真係黃友們想像中咁好嘅「天上人間」？相信唔使十年八載，只需一年半載，好快就會揭盅，大家等睇好戲。

 

投票已截止，多謝支持