2019年黑暴背後的金援，素來為批評質疑，當年正因為有源源不絕的金錢支援，黑暴才會越演越烈。

除了黎智英外，信託人包括大律師吳靄儀、天主教香港教區前主教陳日君、歌手何韻詩、前立法會議員何秀蘭和嶺大前學者許寶強的所謂「612人道支援基金」，亦係另一個助長黑暴氣燄的源頭。這個基金雖然美其名係乜嘢「人道基金」，但其實同「人道」一啲關係都沒有，講白啲，就係掛羊頭賣狗肉。

3年前，暴徒呢頭喺街頭暴亂被捕，「612基金」嗰頭就可以派出律師和大律師，向被捕者提供免費法律支援服務，有時甚至還直接向被捕者提供金錢援助。試問有如此豐厚嘅金援及法律一條龍服務，黑暴又點會不變本加厲？所以好多人稱「612基金」是「撐暴基金」，確係十分貼切嘅形容。

而由於有這個「撐暴基金」，間接令暴徒更加有恃無恐使用暴力，惡有惡報只係遲早嘅事。所以陳日君、何韻詩等5個信託人，早前已經相繼涉案落網被捕。

清醒嘅人都知道，黑暴背後總有重重黑幕。不查猶自可，這個「撐暴基金」被警方國安處一查，即時爆出大醜聞。

有大狀及律師疑自稱義務代表被告，卻收取「612基金」酬金，警方早前已就此向大律師公會及律師會作出投訴。日前，有媒體報道，大律師公會已向約35名大律師發信，要求他們就此作出解釋。

恐損大狀界專業形象

話說這35個執業不超過5年的年輕大律師，分別於2019年至2021年期間，經常代表一批在裁判法院或區域法院的反修例案件被告，即係大家俗稱的黑暴案被告。

一般而言，大律師代表被告乃正常之事，冇乜特別。但問題是在這過程中，這35個大狀違規觸犯了兩項法律禁忌：一是繞過事務律師行，直接從「 612基金」收取支票或現金作為酬勞；二是部分大狀向外聲稱自己只是「義務」大律師，但實質上又向「612基金」收取每日3,000至6,000元的酬金，「義務」變「收錢」，涉嫌誤導社會。

喺香港係人都知道，大律師除非事前獲得批准，否則不能夠直接向客人收取費用。但如今職責是上庭訴訟的大律師，除了涉違規直接收取酬勞外，還被揭發疑虛報自己係「義工」但又同時收錢。

橫睇掂睇，單單這兩項犯禁，都已經係大律師行業嘅大醜聞。

做得大律師，就應該係遵守法律嘅嚴格守護者，時刻維持最高誠信，點可以偷偷摸摸違規收取酬勞和虛報？但如今這35個被揭發的大狀，卻涉嫌知法犯法，而「612基金」是否與之秘密協調，隱蔽支薪，實行狼狽為奸？倘若屬實，這又豈能不影響大律師行業聲譽和專業形象？

俗語說，一粒老鼠屎足以壞了一鍋粥。更何況而家有35粒老鼠屎喺大律師公會，怎辦？

今次若非有賴警方國安處在調查中發現，並將之轉介向大律師公會投訴，相信香港市民仍然會被蒙在鼓裡，唔會知道大律師行業，原來竟有咁多初入行的大狀不知專業操守為何物？

大律師未經允許而直接向客人收取酬金，除咗係破壞規矩外，更係違反大律師公會的行為守則。媒體報道，大律師公會是在6月27日向涉事的35名大律師發信要求限時解釋。如果他們之後被裁定有專業失當，處分可以是罰款、暫時吊銷、或正式取消執業資格。

應要對新人多作培訓

辛辛苦苦讀咁多書，才能做到大律師，疑為咗貪小便宜，又或者因為黑暴政治上腦，而迷失了法律人員應有的操守和專業道德，走上了黑路，實在令人感嘆。但路係佢哋自己揀，佢哋只能怪自己，不能諉過於人。如果真係要怪別人，佢哋亦只能夠怪戴耀廷呢種披着「法律學者」羊皮嘅狼，點解過去可以長時間在大學教人知法犯法、誤人子弟？

從今次呢35個大律師嘅事件，說明新入行大狀對基本道德和個人操守的觀念原來十分薄弱。看來大律師公會需要對新人作出更多培訓了。害群之馬，一個也嫌多！

對於今次醜聞，點解話大律師公會需要一查到底和嚴肅處理呢？原因好簡單，因為法治唔係空口講白話，作為香港法治重要組成部分嘅大律師，其公信力需要市民認可，絕不能馬馬虎虎，得過且過。例如，這35個涉嫌違規嘅大律師，一共收咗「612基金」幾多錢？又有幾多個涉嫌講大話收錢，但又話自己只係「義務」大律師？所有這些，大律師公會都應該在嚴肅調查之後，向社會公佈調查結果和處理方法。

黑暴嘅瘋狂已經成為了歷史，大律師公會亦係時候，幫自己、幫法律界和幫香港清除害群之馬了。或許，取消違規情節嚴重者的大律師執業資格，殺雞儆猴，大律師公會才能真正重新取得市民的信任。

 

原圖︰星島日報
https://std.stheadline.com/daily/article/2462513/日報-港聞-英議會質詢612基金事件-華批評粗暴干涉內政

https://std.stheadline.com/realtime/article/504831/即時-港聞-斬死懷疑出軌女友囚終身-終院撤罪第三度重審

 

 

投票已截止，多謝支持