天文台前高級科學主任胡宏俊，大家可能對佢都感覺熟口熟面，佢任「天氣先生」多年，係屏幕上大家自然都見佢過。不過，似乎佢近排好似消失咗咁，原來佢係年初拒絕簽署聲明擁護《基本法》及效忠香港特區政府，放棄月入10萬嘅高薪厚職，學班移民黃友，移民到英國。

咁究竟佢依家搞緊啲乜？佢接受傳媒電話訪問時話，自己開咗個YouTube頻道「續操故業」，日日係YouTube上報天氣。但小編見佢頻道講嘅唔係英文，而係廣東話，似乎係報畀班移民黃友聽。

而胡宏俊都好老實，係訪問中承認係報畀移民黃友聽，佢話移民港人未必熟習當地報道天氣詞彙，希望頻道可以幫助「同路人認識天氣」喎！

至於點解拒絕宣誓？佢話：「究竟我選擇普世價值抑或中華民族偉大復興？」然後佢就係簽署聲明期限嘅最後一日交辭職信，而佢上司同佢都探討過，咁係咪「最好」嘅決定，佢就咁形容：「政府幫我做咗決定」。

不過，移英後嘅佢，雖然係香港高薪厚職，又有專業知識，但生活似乎同一眾移民黃友相差無幾喎！胡宏俊透露，佢係今年6月底舉家移英後，除咗要適應當地天氣、生活環境外，仲變成無固定工作嘅「自由人」，仲話自己係午夜夢迴，亦曾自問呢條問題，即係「咁係咪『最好』嘅決定？」

其實胡宏俊你依家嚟問都無謂，既然拒絕宣誓，跟隨黃友加入移民大軍，未來條路係點？預咗啦！
 

👇 記得Follow 我哋 👇
IG: instagram.com/silentmajority.hk/
FB: fb.com/silentmajorityhk
Weibo: https://weibo.com/u/6655322587
Youtube : https://www.youtube.com/silentmajorityhk

原圖：胡宏俊YT截圖