法援的改革千呼萬喚終於出來了。

這次法援改革主要包括三方面。一是獲批法援的刑事案件申請人，將不可再自選律師，改由處方指派。二是民事案件，大律師每年可接的案件數目由20宗減至15案，事務律師則由35宗減至30宗。三是司法覆核案件，大律師每年最多只可接3宗，事務律師最多接5宗。

法援處過去幾年的表現為人垢病，法援制度的漏洞成為黑暴和黃色民粹的提款機，造就了一批「黃色訟棍」，形成了「黃色法援圈」，早已令市民非常不滿。情況有點像未整頓之前的港台，政府的公帑被人變成了反政府的資金，等於搬石頭砸自己的腳，養肥了一班靠法援打反政府官司開飯的「黃色訟棍」。

綽號「長洲覆核王」的郭卓堅，是濫用法援的最著名人辦例子。此人過去十幾年不斷興訟，針對政府提出多宗司法覆核。雖然明眼人一睇都知道這些訴訟都是政治把戲，但法援處卻又經常批出法援配合佢玩嘢，實在令人匪夷所思。

「爆眼女」利用法援，聘請出名反政府的大律師公會主席夏博義，阻止警方向醫管局索取其病歷報告，亦係另一個法援荒謬絕倫，非改革不同的典型例子。

「爆眼女」他條走佬去台灣，夏博義法援律師費袋袋平安，市民睇到眼火爆，但負責批出有關法援嘅法援處高官，至今卻沒有一個人需要負責，就連一句對公眾的道歉都欠奉。睇嚟法援處可能是政府體制內，比港台更加密不透風嘅「黃色堡壘」，大家將來要更加睇緊啲。特區政府內有冇「黃色無間道」潛伏其中，相信大家都心裏有數。

當然，一個有趣但唔使先知道預測到嘅事情係，由質疑《國安法》嘅夏博義做主席的大律師公會，馬上走出來指責刑事案法援當事人不可再自行揀選律師，改由法援處指派的做法，是違反《基本法》第35條市民有權選擇律師的規定。

大狀公會對法援改革有這種那種的「疑慮」，一啲都唔出奇，因為其最近幾屆嘅執委會，早已同反中亂港嘅反對黨冇分別，總之凡係政府提出嘅，佢哋唔係挑剔，就係反對。所以，佢哋與其話法援申請者冇得揀律師係「違反基本法」，倒不如光明磊落承認佢哋真正擔心嘅，其實係這項改革會直接影響嗰啲專接黑暴和反政府案件嘅「黃色大狀」的荷包。

黃媒黃絲批評乜嘢「窮人冇得揀律師」，其實亦係轉移視線，噏得就噏。如果同樣嘅道理都「講得通」，咁點解佢哋又會接受去公立醫院睇病都冇得自選醫生？點解佢哋又唔去抨擊現行的法院律師當值制度都係冇得揀律師？

「爆眼女」如果係自己出錢，請夏博義或邊個大狀幫佢打官司，市民當然唔會有意見，只要錢係佢自己出。但「爆眼女」用嘅係納稅人嘅血汗錢，市民當然可以批評點解要搵啲咁貴嘅律師？質疑點解來來去去都係嗰幾個黃色大狀？係唔係一條龍「黃色包攬訴訟」？

今次改革法援，一般人睇到係因為法援被人濫用，被人當作反政府工具。但從大棋局看，改革法援其實亦是香港一系列撥亂反正舉措的其中一環，而且關乎國安。

如果說，完善選舉機制是要將不愛國分子逐出體制，《國安法》是要港獨黑暴分子付出沉重代價，國旗法國歌法是要增強國民身份認同，改革法援則是要杜絕利用政府公帑搞亂香港，也就是變相發揮維護國家安全的作用。

如果沒有法援資助，「爆眼女」和乜嘢覆核王，仲可以咁得戚、咁囂張玩法律訴訟？更何況如今支持黑暴嘅基金和外國勢力資金進出，在《國安法》下已經被嚴密監控，如果法援也不再成為動亂分子嘅提款機，香港肯定將會更加穩定。

任何制度都應與時並進，不斷革新，以適應新形勢，法援制度也不例外。而且在維護國安的新形勢下，法援處更應拒絕任何帶有政治目的申請，幫香港人把好關，否則就是失職。

原圖：https://image.stheadline.com/f/680p0/0x0/100/none/f86df3601e16cf7b9c413d27fa054806/stheadline/ST/Kolnews/2021/04/22/084739_kL7tVbDO.jpg

https://image.stheadline.com/f/680p0/0x0/100/st/750c15f43caedf095dbc12acb8112585/stheadline/inewsmedia/20190301/_2019030116040391616.jpeg

投票已截止，多謝支持