據媒體報道，前《蘋果日報》執行總編輯林文宗於7月21日被警方國安處拘捕，同日前《蘋果日報》副社長陳沛敏、兩名前主筆楊清奇（筆名「李平」）和馮偉光（筆名「盧峯」）已被撤銷擔保，4人正式被落案起訴「串謀勾結外國或者境外勢力危害國家安全罪」，案件於7月22日在西九龍裁判法院提堂。

觸犯《港區國安法》是十分嚴重的罪行，一般都不准保釋，4人在法庭提堂後，將聯同之前已被落案起訴的《蘋果日報》總編輯羅偉光、壹傳媒行政總裁張劍虹，繼續被扣押，直至正式開庭。

對於《蘋果日報》4名高層被落案起訴，俗稱記協的香港記者協會，一如既往體現「黃色本能」，馬上走出來表示感到「震驚及不解」，「擔心更多前《蘋果》員工或管理層被捕」。

記協這種「擔心」，其實係「多鬼餘」，市民早已聽到厭。任何人犯法被捕，被落案起訴，乃天經地義，有乜值得「震驚不解」？犯咗法，唔通只因佢係記者身份就可以逍遙法外？記者有乜嘢犯法唔使被追究嘅特權？

記協主席陳朗昇還好意思說：「我們以為拘捕已告一段落，林文宗會無事……《蘋果日報》管理層很多都已離職……」他的言下之意，相信好多人都會理解為--既然已經離職，是否不應該再追究？

但在一個法治社會可以這樣嗎？只能夠講記協對於法治嘅理解係「異於常人」，這可能源於一種「無冕皇帝」的慣性自大，以為自己口中的「第四權」可以凌駕法律之上。

在香港，法律面前人人平等，記者憑什麼要求特權？《港區國安法》於2020年年中開始生效，但《蘋果日報》這些被捕人有沒有遵守？記協作為一個傳媒組織，有沒有盡責勸喻會員要遵守《國安法》？答案當然係無。

《蘋果》在《國安法》生效後，一點也沒有收斂，仍然當《國安法》冇到，《蘋果》這種無視《國安法》，一再違反法律紅線的狂妄，難道只因掛著一個「新聞自由」嘅神主牌，就可以有法外特權，逃避法律制裁？答案當然係唔可以！

究竟記協和黃營中人幾時才肯面對現實？在香港觸犯刑事罪行，追溯期是沒有時限的，更何況是明知故犯違反《國安法》。《蘋果》執笠停刊，並不等於犯法的一干人等，可以就此免除刑責，佢哋仍然需要為違反《國安法》或其他香港法律付出代價。所以筆名「盧峯」的前主筆馮偉光，在《蘋果》停刊後準備離港時在機場被捕，就係最好嘅體現。如果未來有新證據，警方國安處再進行拘捕行動，亦係正常不過嘅事。

所以記協講嘅乜嘢「以為拘捕已告一段落」、「擔心新聞界會因被捕事件加劇自我審查」，實際上只是轉移視線，亦係黃媒慣用嘅一種「扮無辜、博同情」的伎倆。犯法，而且係明知故犯後扮「弱者」、扮「無辜」，呢招用得太多，早已穿崩，而且好難睇。請記協度啲「新招」，再出來博同情吧，唔好成日用呢啲舊橋虐待智商正常嘅香港人。

《蘋果日報》和《壹傳媒》的被捕和被起訴者，他們牽涉的「勾結外國或者境外勢力危害國家安全罪」，最高可被判處無期徒刑或者10年以上有期徒刑。無期徒刑即係終身監禁。《蘋果》這個故事告訴那些想在香港繼續當《國安法》冇到嘅人，想繼續觸碰國家安全紅線嘅記協會員，最好自己先諗清楚。

《國安法》所有條文寫得清清楚楚，界線早已在哪裏，不存在什麼「搬龍門」嘅問題。如果有人明知，而自己仍要去踩紅線，好似《蘋果》這班人，到時就唔好扮「無辜」了。

所以，《蘋果》執笠停刊，不等於可以因此逃避刑責。凡在2020年年中《國安法》實施後，仍然肆意違反《國安法》嘅人，不管係《蘋果》中人或乜嘢人，佢哋都應該有被捕嘅心理準備。濫用「新聞自由」搞亂香港、危害國家安全嘅荒謬時代已經結束了。

原圖：https://www.bastillepost.com/hongkong/article/8675841-%E3%80%90%E8%98%8B%E6%9E%9C%E5%81%9C%E5%88%8A%E3%80%91%E6%9C%89%E5%B8%82%E6%B0%91%E5%88%B0%E3%80%8A%E8%98%8B%E6%9E%9C%E3%80%8B%E5%A4%A7%E6%A8%93%E5%A4%96%E9%96%8B%E9%A6%99%E6%AA%B3%E6%85%B6%E7%A5%9D

投票已截止，多謝支持