高等法院法官周家明日前裁定，警方不展示警員編號做法違反《人權法》，引起社會大眾嘩然！外界質疑周官只顧保障投訴人嘅人權，忽略咗執法者及家屬嘅安危，《大公報》隨即製作漫畫諷刺周官，卻被大律師公會去信律政司司長鄭若驊投訴，點名批評《大公報》漫畫傳達法官偏袒示威者或支持犯罪活動嘅信息，仲話該報道「徘徊在藐視法庭的邊緣」，要求律政司審視有否涉及藐視法庭。
記協主席楊健興接受媒體訪問時就話，「大律師公會發聲明譴責傳媒做法罕見，相信與近一年司法機構及法官受社會人士攻擊有關。」佢仲話唔評論《大公報》漫畫所傳達嘅信息，但認為傳媒必須審視內容是否基於事實及言論是否公平，否則會影響傳媒公信力。
說好的新聞自由？楊健興呢番說話其實就喺暗示《大公報》報導內容涉嫌誤導唔夠持平。作為記協主席佢根本係選擇性維護，如果係黃媒《蘋果》被譴責，相信佢早已衝出嚟維護，呢啲就係反對派口中成日講嘅言論自由，唔係自己人就粒聲唔出扮睇唔到。
俗語都有話，「一千個人眼中有一千個哈姆雷特」，《大公報》嘅漫畫有無涉及藐視法庭，咁咪等律政司查法庭審囉，如今大律師公會未查清楚來龍去脈，就點名批評《大公報》，會唔會有啲未審先判呢？
原圖：大公報截圖;
https://std.stheadline.com/realtime/article/777760/%E5%8D%B3%E6%99%82-%E6%B8%AF%E8%81%9E-%E8%A8%98%E5%8D%94%E5%B9%B4%E5%A0%B1-%E6%96%B0%E8%81%9E%E5%8F%8A%E8%A8%80%E8%AB%96%E8%87%AA%E7%94%B1%E7%A9%BA%E9%96%93%E6%BC%B8%E6%94%B6%E7%AA%84