博客

博客

12逃犯「沒有犯罪」?美國早已道德淪亡!

施梓山 2020年10月16日 12:30

施梓山:「對於12個擺到明嘅罪犯兼逃犯,蓬佩奧又讚賞佢哋「只是相信自己值得享有自由和不可剝奪的權利,並不孤單,美方會與他們站在一起」。真的嗎?民主真係可以大晒?民主真係可以顛倒黑白?一句「自由民主」就可以喺全世界犯法而唔使負任何法律責任?就可以無法無天?如果按照蓬佩奧「偷渡沒有犯罪」的標準,假如有墨西哥或洪都拉斯逃犯,經美國國境非法偷渡去加拿大時被美國警察拘捕,咁美國係咪都應該全部釋放佢哋?因為佢哋「沒有犯罪」,只係「經過美國」,何罪之有?美國領土和領海係咪真係咁開放,任人偷渡而「不算犯罪」?如果唔係,蓬佩奧憑乜嘢咁大聲?」

👇 記得Follow 我哋 👇
IG: instagram.com/silentmajority.hk/
FB: fb.com/silentmajorityhk
Weibo: weibo.com/u/6655322587
Youtube : youtube.com/silentmajorityhk

美國國務卿蓬佩奧昨日又公開發言,力撐12名港人逃犯,認為他們只是企圖坐船前往台灣,並「沒有犯罪」。

原來這個世上,真有物以類聚,臭坑出臭草這回事。美國總統特朗普經常語無倫次,前言不對後語,早已世人皆知。原來他請來負責管理美國外交事務的國務卿,語無倫次起來,同佢不相伯仲,有過之而無不及。

蓬佩奧口中「沒有犯罪」的12港人,並不是普通人,而係棄保潛逃的香港逃犯。不過都難怪,以特朗普和蓬佩奧嘅水準,要佢哋分得清「平民」和「逃犯」嘅分別,應該都有好大難度。另一個可能當然係佢哋扮癲扮傻,為求目的,指鹿為馬。

對於香港來說,這12人全部都係有刑事案件在身,牽涉的都是嚴重罪行包括暴動罪、違反國安法、製造炸彈等。如果按照特朗普自己,對早前美國種族抗議騷亂嘅標準,這12人都可以界定做恐怖分子了。

這12個港版恐怖分子,違反法庭保釋條件,逃避刑責坐船去台灣,全部都正被香港法庭通緝。如此光天化日違反香港法律和法庭禁令,棄保潛逃,虧蓬佩奧咁都夠膽,擘大眼話這12逃犯「沒有犯罪」!很好,美國嘅偽善和雙重標準,蓬佩奧做咗最佳嘅推銷員。

對於內地來說,這12個香港逃犯經內地管轄的水域偷渡,非法越境的犯罪事實十分清楚,無從抵賴,咁都可以叫做「沒有犯罪」?究竟係蓬佩奧口沒遮攔?抑或美國早已習慣顛倒黑白?

如果按照蓬佩奧「偷渡沒有犯罪」的標準,假如有墨西哥或洪都拉斯逃犯,經美國國境非法偷渡去加拿大時被美國警察拘捕,咁美國係咪都應該全部釋放佢哋?因為佢哋「沒有犯罪」,只係「經過美國」,何罪之有?美國領土和領海係咪真係咁開放,任人偷渡而「不算犯罪」?如果唔係,蓬佩奧憑乜嘢咁大聲?

對於12個擺到明嘅罪犯兼逃犯,蓬佩奧又讚賞佢哋「只是相信自己值得享有自由和不可剝奪的權利,並不孤單,美方會與他們站在一起」。真的嗎?民主真係可以大晒?民主真係可以顛倒黑白?一句「自由民主」就可以喺全世界犯法而唔使負任何法律責任?就可以無法無天?

美國成日口口聲聲抨擊伊朗、北韓是「沒有法治、違反人權」的流氓國家,如今看來是,來說是非者,便是是非人!美國口口聲聲話要同「12港人」站在一起,其實美國係同「12逃犯」站在一起。

蓬佩奧今日可以為唱衰中國而指鹿為馬,將12逃犯捧上天,聽日同樣可以為美國利益而反轉豬肚,美國早已道德淪亡!上帝要其滅亡,必先使其瘋狂。看來,上帝已不再眷顧這個美利堅合眾國了,所以派了蓬佩奧先來瘋狂。

原圖:https://www.orangenews.hk/hongkong/139345.jhtml

https://twitter.com/SecPompeo/photo
 

投票已截止,多謝支持

發表意見

排列方式: