時事

時事

陳雲又出「屎橋」 籲李柱銘出戰新東 講明「自決」搏DQ 網民:國師中獨中上腦!

2018年12月07日 07:30

反對派九龍西補選大敗,失去立法會分組「關鍵議席」,由於擔心之後新東補選又輸。有反對派「國師」外號嘅陳雲,就建議由反對派元老李柱銘,打正以「自決」旗號參選,搏政府DQ佢,產生國際話題。連黃到爆嘅黃之鋒都頂唔順陳雲嘅「屎橋」話唔可行,可見建議有幾荒謬;全面撤出議會,市民求之不得,真係唔知究竟「國師」係幫緊反對派定害緊佢哋。難怪有網民都話:「國師中獨中上腦!」

反對派九龍西補選大敗,失去立法會分組「關鍵議席」,由於擔心之後新東補選又輸。有反對派「國師」外號嘅陳雲,就建議由反對派元老李柱銘,打正以「自決」旗號參選,搏政府DQ佢,產生國際話題。

陳雲上港台節目時指,建議反對派採取「控制之下嘅焦土政策」,由李柱銘以自決立場報名參選,若然政府DQ佢就會有國際輿論、唔DQ又即係放生自決,即係無論如何都會搞到政府一身蟻:「我係預咗畀你(政府)燒,但你(政府)係唔夠膽燒我」。佢講到眉飛色舞時,再進一步「演繹」大計,話可以由公民黨黨魁同民主黨主席,一同以自決主張參選,最終「成個黨唔玩」,或者整個反對派都撤出議會。面對咁「天馬行空」嘅計劃,連一齊出席嘅眾志秘書長黃之鋒都頂唔順,話唔同意陳雲嘅講法,更舉例話新加坡反對派都試過全面撤出議會,或者澳門立法會反對派嘅議席較少,都唔見得國際社會有特別嘅關注囉。

連黃到爆嘅黃之鋒都頂唔順陳雲嘅「屎橋」,可見建議有幾荒謬;全面撤出議會,市民求之不得,真係唔知究竟「國師」係幫緊反對派定害緊佢哋。難怪有網民都話:「國師中獨中上腦!」

原圖:http://static.stheadline.com/stheadline/inewsmedia/20181204/_2018120418002734741.jpg

http://images.takungpao.com/2015/0525/20150525074854286.jpg

投票已截止,多謝支持

發表意見

排列方式: