時事

時事

被爆「愛食紙」「叫人黑鬼」 侵侵嬲嬲豬 鬧前下屬係狗 邊個仲會跟你搵食?

2018年08月16日 14:00

「反轉豬肚就係屎」!侵侵份人小器就係人都知,但小器到將昔日愛將鬧為「狗」就真係唔係個個都做得出!侵侵近日連續發文,大鬧爆仍料嘅白宮前通訊總監紐曼「低賤」(Lowlife)、惡毒,之後仲話佢係「狗」,真係冇品!自己如果冇做,怕咩人講!依家咁鬧人,就更顯得佢冇量度。依啲老細,邊個仲會跟佢搵食?Like!

「反轉豬肚就係屎」!侵侵份人小器就係人都知,但小器到將昔日愛將鬧為「狗」就真係唔係個個都做得出!

侵侵前愛將、白宮前通訊總監紐曼(Omarosa Manigault-Newman)出版新書大爆侵侵入主白宮之後種種不為人知嘅「惡行」,包括成日用種族冒犯嘅語言講野,又會「食紙」等等。搞到侵侵即時嬲嬲豬,不停發文還拖。繼之前鬧紐曼「低賤」(Lowlife)、惡毒同人憎鬼厭後,最新就話紐曼係「狗」。佢係就發文中稱讚白宮幕僚長凱莉及早炒咗紐曼嘅行動:「當你畀一個瘋狂、喊緊嘅低賤人一個機會,並係白宮畀佢一份工作時,我諗咁樣行唔通。凱利做得好好,好快就解僱咗依隻狗!」侵侵團隊又表示,已經就紐曼被指違反16年一份保密協議一事,向對方採取法律行動。不過,紐曼就話一啲都唔怕:「我唔會被嚇倒。亦唔會被特朗普蝦。佢好驚我仲會披露一啲咩事。」

當前愛將都出嚟反侵侵,就知佢幾唔得人心;而還拖話人係「狗」,就更顯得佢冇量度。依啲老細,邊個仲會跟佢搵食?Like!

 

原圖:Donald Trump twitter

Donald Trump facebook

Omarosa Manigault-Newman twitter

投票已截止,多謝支持

發表意見

排列方式: