博客

博客

「明日大嶼」或「北部都會區」哪個項目先行?決定標準只有一個:多快好省!

施梓山 2022年08月01日 19:00

施梓山:「對於填海取地的『明日大嶼』和開發新界西北的『北部都會區』,應該如何取捨?孰先孰後?我的看法很簡單,唯一標準,就係四個字:『多快好省』!即係邊個計劃可以更快、更有效地達到『多快好省』令更多人上樓,就應該先推進邊個項目。兩全其美唔係唔好,但月有陰晴圓缺,此事古難全,蘇東坡早就講過。所以,當務之急,我認為我們還是應該務實地作出取捨,才能夠急民之所急。因此從以上『多快好省』四方面作比較,如果真係想幫助劏房基層市民盡快上公屋,想改變香港人住屋難住屋狹窄嘅民怨,盡快集中火力全面推進『北部都會區』計劃才是真正的上策!凡事總有緩急先後,房屋問題已是香港火燒眼眉之事,而『明日大嶼』從各方面睇,都係遠水不能救近火,應該適當放慢步伐。希望新一屆政府帶領香港同開新篇,就由『北部都會區』開始吧。務實可取,又多快好省,何樂而不為?」



👇 記得Follow 我哋 👇

IG: instagram.com/silentmajority.hk/

FB: fb.com/silentmajorityhk

Weibo: weibo.com/u/6655322587

Youtube : youtube.com/silentmajorityhk

如果話房屋問題喺香港現今最大嘅民生問題,相信今時今日冇人會唔同意。而要解決香港房屋問題,說到底還是土地供應問題。錢,香港有豐厚的財政儲備和外匯基金,不成問題。人力,首先全力聘請更多本地勞工投入建築業,不夠,可以輸入外勞來港幫忙。但土地有就有,冇就冇,就好似做麵包,如果冇麵粉,任憑你幾有本事,都係做唔出麵包來。同樣,要起樓但冇地,一切都只能係空想。

為咗解決建屋土地短缺嘅問題,政府推出了填海的「明日大嶼」和「北部都會區」計劃,希望藉此開拓大面積的土地。毋庸置疑,這兩個計劃若能落實,將可以為香港帶來穩定的土地供應,緩解「土地荒」的問題。但由於這兩個計劃都是超大型項目,需要投入的財政資金所費不菲,而且牽涉的基建、人力物力龐大,究竟應該先發展哪一個計劃?或兩個計劃同時上馬?實在必須小心衡量評估,否則到時兩頭唔到岸,對香港絕非好事。

對於填海取地的「明日大嶼」和開發新界西北的「北部都會區」,應該如何取捨?孰先孰後?我的看法很簡單,唯一標準,就係四個字:「多快好省」!即係邊個計劃可以更快、更有效地達到「多快好省」令更多人上樓,就應該先推進邊個項目。兩全其美唔係唔好,但月有陰晴圓缺,此事古難全,蘇東坡早就講過。所以,當務之急,我認為我們還是應該務實地作出取捨,才能夠急民之所急。

就香港目前的房屋問題,正如我一直所講的,最大的問題癥結在於基層市民對公屋需求十分迫切,但排隊上公屋的輪候時間卻超長,最新已達6.1年。因此只有盡快搵到足夠的土地興建公屋,解決香港房屋問題才有望看到曙光。特區為政者,由局長司長到特首,可以毫不誇張地講,邊個可以盡快解決土地和公屋問題,邊個就可以得民心。

在應用「多快好省」的標準比較後,我認同幫港出聲創辦人周融的看法,「北部都會區」政府應該先全力推行,而「明日大嶼」唔係唔做,而係應該放在比較次要的位置,發展步伐先緩一緩。

就「多」而言,「明日大嶼」填海後可得1700公頃新土地,而「北部都會區」包含的面積則有30,000公頃。雖然這些土地不是全部都用來興建房屋,但就土地面積大小嘅絕對值來比較,邊個計劃多地,邊個計劃少地,不用多說,大家一目了然。

就「快」而言,究竟係「明日大嶼」填海取地快?還是「北部都會區」收地或改劃土地用途得地快?同樣,唔使多講,大家一諗就知答案。根據估算,「明日大嶼」最快要到2033年才能有首批住戶入伙,但「北部都會區」就算點慢,第一批公屋居民上樓點都唔使等11年,對嗎?如果話天下武功為快不破,那麼取得土地建公屋亦係一個「快」字才是王道。

就「好」而言,邊個計劃可以令最多人最快上樓有屋住,邊個計劃就是好!就好像鄧小平曾說的一句名言:「不管黑貓白貓,能抓老鼠就是好貓」!「北部都會區」一來已是一大片現成土地,二來鄰近多個已發展成熟的新市鎮例如元朗、上水、屯門等,發展起來互相連繫,基建也可省很多的時間和金錢。相對於「明日大嶼」要先填海再發展,不就是更好?

就「省」而言,省錢和省時,慳錢慳時間,「北部都會區」亦係明顯勝出一籌。「明日大嶼」淨係四年前初步預算,已經需要耗費6240億元,但特區政府現有儲備不計外匯基金,就只有約9400億元,用將近三分之二儲備投晒入一個項目,係咪太冒險了些?雖則政府預算「明日大嶼」填海之後賣地會有豐厚收益,但那畢竟只是預算,如果到時市況逆轉,那怎辦?所以一些知名網評人例如周天慧等人,不約而同對此提出質疑,可謂洞若觀火,不無道理。

「北部都會區」另一個可以更省錢又更快速令土地投入使用的優勢是,新界北已經有完善的公路網絡和鐵路系統,而且一河之隔的深圳亦早已發展成熟。不要小看交通網絡這環節,因為交通網絡投入嘅資金和時間,亦係一條好襟計嘅數,有時開闢嘅時間同難度,亦不會少於土地獲得。淨係睇一條沙中線鐵路,前後差不多耗用了近十年時間,而且嚴重超支過百億元,你就知道有現成的交通基建,對於開發一個新地區究竟有幾重要。

因此從以上「多快好省」四方面作比較,如果真係想幫助劏房基層市民盡快上公屋,想改變香港人住屋難住屋狹窄嘅民怨,盡快集中火力全面推進「北部都會區」計劃才是真正的上策!凡事總有緩急先後,房屋問題已是香港火燒眼眉之事,而「明日大嶼」從各方面睇,都係遠水不能救近火,應該適當放慢步伐。希望新一屆政府帶領香港同開新篇,就由「北部都會區」開始吧。務實可取,又多快好省,何樂而不為?

原圖:https://hd.stheadline.com/news/realtime/hk/2099433/%E5%8D%B3%E6%99%82-%E6%B8%AF%E8%81%9E-%E5%A5%A7%E9%9B%85%E7%B4%8D%E7%8D%B2%E6%89%B9%E6%98%8E%E6%97%A5%E5%A4%A7%E5%B6%BC%E4%BA%BA%E5%B7%A5%E5%B3%B6%E7%A0%94%E7%A9%B6-%E6%B6%89%E6%AC%BE2-2%E5%84%84%E6%B8%AF%E5%85%83%E7%82%BA%E6%9C%9F42%E5%80%8B%E6%9C%88

 

 

 

 

投票已截止,多謝支持

發表意見

排列方式: