隨著香港第五波疫情已經發生，各行各業一次又一次受到嚴重嘅衝擊，有一些行業就更加需要停業，餐廳亦需要晚上六點後暫停堂食。香港市民又再一次過著買外賣嘅日子。罪魁禍首當然就涉及國泰航空公司嘅機組人員，未有嚴守規則，落得被少下場也是與人無尤。

有留意開新聞嘅人都知道，而家好多西方國家嘅變種病毒情況嚴峻，疫情再一次大爆發接近失控嘅狀態。各地失守，香港更應嚴把關自律，可是卻因國泰航空公司不守規矩的員工，而令疫情蔓延。

針對派對群組 只為政治

而國泰機組人員或其家人曾經去過嘅地方都相繼發現有個確診者，所牽涉嘅群組極為廣泛，包括維園跳舞群組、天后陸田園餐廳群組等，之後更衍生出生日派對群組，現更加牽涉到張敬軒跨年演唱會入場人士。

不過，最荒謬嘅就是有人竟將所有罪名都歸咎於生日派對群組人士，更加迅速將參與派對人士資料起底，而最應該追究最應該問責嘅國泰航空，卻鮮有被人提及，似乎好多人都係用政治層面多過抗疫層面嚟睇呢件事。

其實筆者一直都好費解，點解咁高危嘅航空界有一個咁大嘅漏洞，員工檢疫可如此寬鬆？點解安心出行唔用實名制登記之外，又無追蹤功能？而安心出行只會提醒市民曾經去過高危地點，只靠市民自發性去做強檢？而家證實有確診者曾經去過演唱會，場內又係咪個個都好自律全程佩戴好口罩呢？而演唱會觀眾人數之多，萬一疫情爆發，絕對係社會一個計時炸彈，政府不能再視若無睹。

對於第五波疫情香港市民和政府的損失金額，是否可考慮向國泰航空追討？

原圖︰星島日報、
https://std.stheadline.com/realtime/article/1274468/即時-港聞-科大研究-全民戴口罩有助避免第二波疫情爆發

https://std.stheadline.com/daily/article/2264454/日報-港聞-國泰半年勁蝕98億-第四季提重組方案

投票已截止，多謝支持