時事

時事

救救孩子 取消通識科吧!

2020年11月26日 20:30

施梓山:「事到如今,處理通識科最負責任的做法,就是將整個通識科取消,唔再俾機會反中亂港嘅人向中學生洗腦,乾手淨腳。如果退而求其次,勉強接受嘅方法,就係取消通識科必修必考,全面改革通識科內容,必須包括返國內專題研習,科目評核只設合格或不合格兩個級別,而且不影響升讀本地大學。為咗救救孩子,仲有為孩子日夜擔憂嘅家長,講句老土啲,唔該做吓好心,取消通識科吧!」

👇 記得Follow 我哋 👇
IG: instagram.com/silentmajority.hk/
FB: fb.com/silentmajorityhk
Weibo: weibo.com/u/6655322587
Youtube : youtube.com/silentmajorityhk

特首林鄭月娥11月25日發表施政報告,其中提到改革通識科的問題。

有關通識科,特首大致係咁講嘅:「去年嘅社會運動反映部份年青人守法意識薄弱,教育出了問題,高中通識科需要改革,糾正科目異化」。如何改革呢?就係「將通識科重新改革成為學生穩固知識基礎,增加有關國家發展、憲法、基本法和法治的學習內容,同時加強對教師培訓和監督等等。」

今年五月時,特首曾表示教育不可以成為「冇掩雞籠」,並且表明今年內一定會講清楚「如何處理通識科」。這個講法令關心香港教育的人士和家長充滿期望,認為「了斷通識科」的時機終於有了時間表。我亦是這種樂觀者的其中一個。

但老實說,聽了施政報告有關通識科的改革論述,相信好多人同我一樣,感到非常失望。

首先是遠水不能救近火。一場黑暴,一萬多人被捕,當中竟有四成是學生!四千幾個學生參與街頭暴動,這是個驚人的數字,是一場巨大的火焰,並不是什麼處理課程異化、加強師資培訓,就可以撲火的。

大火都已經燒到埋身,如果還沒有大刀闊斧了斷通識科的決心,學生被煽動上街的星星之火,遲早又會燎原。

在香港推行多年的通識科被人利用,成為了「違法達義」、反中亂港的政治洗腦平台,是大家都睇到嘅一個擺明事實。

在沒有通識科之前,香港有冇咁多學生明目張膽搞港獨?有冇咁多漢奸敢公然舉美國旗?有冇人敢請求美軍登陸香港?呢啲歪風邪論,甚至否認自己係中國人嘅數典忘祖、搞港獨,係唔係100% 同通識科有關,雖然冇人可以肯定,但可以肯定嘅係,呢啲全部都係出現喺通識科成為必修課之後!

其次,香港推行通識科,學生係咪因此叻咗呢?答案係乜,相信大家心裏有數。「通識通識,通通唔識」呢句順口溜,相信一般市民都非常熟悉,可能只有教育局一眾高官坐係冷氣房冇聽過!

一場黑暴,連綿一年,眾多學生參與暴動,打砸搶燒,上水甚至有中學教師帶學生去非法堵路,佐敦有名校通識科教師參與暴動被捕,教育出了大問題,學生同埋學生嘅家長成為咗受害者,點解處理教育問題嘅人仲好似慢郎中,你急佢唔急?

無恥嘅政客推啲無辜學生,上街犯法,坐監留案底,佢哋自己嘅仔女就全部收埋係屋企安全保護。部份學校黃師當道,通識教材冇王管,胡亂灌輸乜嘢「香港係三權分立」,課室裏日日返中亂港嘅洗腦,考評局有關科目人員又係同一路人,成個黃色教育產業鏈,香港有乜辦法唔亂?家長有乜理由唔擔憂?

一國兩制係一樣創新嘅事業,需要所有人用心呵護灌溉,才能茁壯發展。通識科已經行咗歪路,課程設計本身就有問題,教授嘅內容根本唔係高中學生年紀和人生閱歷,就能正確理解和消化,所以才會幫香港教出一班又一班守法意識薄弱、暴力上腦、革命上身、反國家反民族嘅新一代,這不就是每天在挖一國兩制的根基嗎?

問題如此嚴峻,仲要繼續維持通識科必修必考,請問呢個係一個乜嘢嘅政治思路?癌細胞都已經出現,而且繼續擴散,你仲唔快刀將佢切割,反而繼續任佢生長,咁咪即係繼續將香港帶上慢性自殺之路!香港真係缺乏政治家治港!

今年DSE高考人數超過5萬人,通識科必修必考,等於8年來經通識科政治洗腦嘅香港新一代有40萬人!而且仲未計正在準備應考的,高中三個年級嘅在校學生.......驚人嘅數字,請問呢啲係咪叫做皇帝唔急太監急?

事到如今,處理通識科最負責任的做法,就是將整個通識科取消,唔再俾機會反中亂港嘅人向中學生洗腦,乾手淨腳。如果退而求其次,勉強接受嘅方法,就係取消通識科必修必考,全面改革通識科內容,必須包括返國內專題研習,科目評核只設合格或不合格兩個級別,而且不影響升讀本地大學。

為咗救救孩子,仲有為孩子日夜擔憂嘅家長,講句老土啲,唔該做吓好心,取消通識科吧!

原圖:https://bit.ly/3pXdEFr、https://bit.ly/3fCMsXC

投票已截止,多謝支持

發表意見

排列方式: