毛澤東有句名言，叫做「革命不是請客食飯」。香港嘅反對派陣營，包括黃色政客、書生論政嘅學者黃師、不知天高地厚嘅港獨分子，可能都冇聽過。就算佢哋有聽過，亦根本唔明白呢句話嘅真正意思。
搞得革命，就係想推翻政權，奪取權力，自己揸莊話事。既然係革命，成王敗寇，失敗嘅話，喺古代係殺頭結果，喺現代一啲第三世界可能叫你食子彈，其餘的國家都肯定要你接受最嚴厲嘅法律制裁，例如終身監禁。
搞得革命政變，如果有人只係當食餐飯，食完當冇事發生，就咁走咗去，呢啲人應該去青山醫院照下腦，做吓精神科檢查。
喺香港搞港獨，或者支持港獨，無論係在明在暗，係個人或者政黨，其實都係搞緊政變。攬炒，無論喺街頭，或者喺議會，無論係掟磚，或者係拉布，其實都係一種顛覆特區管治嘅恐怖主義政變。同樣，「時代革命」嘅口號只係遮醜布，其實係「港獨革命」。
2014年嘅佔中係一場失敗嘅港版顏色革命，2019年嘅反修例係顏色革命2.0。一次比一次明目張膽搞港獨，一次比一次暴力。慶幸的是，去年受盡詆毁攻擊嘅三萬香港警察靠得住、頂得住，否則香港不堪設想。
正如我之前嘅文章一直所講嘅，物極必反係世事嘅定律。所以做人又好，搞政治又好，凡事唔好做得太過分，否則最後只會落得好似《紅樓夢》所講嘅——「機關算盡太聰明，反誤了卿卿性命」嘅王熙鳳悲慘結局。
香港嘅反對派陣營好似集體撞邪，回歸20多年來可能過於安逸，食飽飯冇嘢做，忘記咗香港實行嘅係一國兩制，連「沒有一國，就沒有兩制」，咁顯淺根本嘅道理都忘記咗。好衰唔衰，最近一年，仲走去附和蓬佩奧推翻執政嘅中國共產黨政策。
結果，狂妄冇腦，當然就要付出狂妄冇腦嘅代價。是時候同港獨政變算帳了。
港版國安法6月30日公佈實施，劃下紅線，設立駐港國安公署，成立警隊國安處，拘捕黎智英，搜查毒果報，通緝境外港獨份子，只係同港獨牛鬼蛇神算帳嘅第一步。
最近，全國人大DQ四個曾經要求外國制裁中央和特區嘅反對派立法會議員，是撥亂反正，是算帳嘅第二步。全世界任何正常嘅政治倫理，都絕不會容忍通蕃賣國嘅人。食碗面反碗底嘅人，你敢用嗎？
除了DQ立法會內的漢奸，政府第三步應該要求全港區議員重新宣誓效忠特區和基本法，而且宣誓內容要明確加入擁護國安法，否則一律取消議員資格。
當然，在司法、教育和新聞界，這些包庇、灌輸和散播港獨嘅重災區，也是要算帳的，不能再像從前任其司法的法官任命機制，特首今後應該要揸正來做，嚴格進行品格和政治審查，不能再照單全收司法機構的提名。
面對政治入侵校園，黃師泛濫，教育局取消兩個失德小學教師的註冊，應該只是個開始，教育局要加快調查進度，廣泛找出教育害群之馬加以懲罰。
至於越來越多嘩眾取寵的假新聞，政府應該參考新加坡的做法，加強監察傳媒，立法加以規管。
黑暴的港獨政變雖然失敗了，但斬草要除根，絕不能讓它死灰復燃。最好的方法，就是跟他們逐個算帳。時間不是問題，問題是政府要有決心！
投票已截止，多謝支持