今年華為同三星都有出摺機，而華為摺機嘅規格同造工，更比三星嚟得要好！唔少科技媒體同網民都大讚，形容華為摺機係匹馬，有望拉低三星做一哥！
點知呢頭講完無耐，三星唔知係咪怕咗華為，所以就搶先出咗部摺機先。不過搶先發貨未必係好事，有啲嘢叫「欲速則不達」，心急反而錯失多！話說，日前有外國網民已經搶先拎到部三星摺機返嚟，但呢部號稱可以摺20萬次嘅柔性屏幕，居然用咗一日就爛，而且連Mon(屏幕)都甩埋！
嗰位不幸嘅外國網民隨即將將部甩Mon爛機Post上網，仲仔細咁同分析話：「你可以係Galaxy Fold手機嘅折疊處睇到一個小凸起嘅地方。只要稍微扭曲一下屏幕，我就能用手指感覺到佢嘅存在、感覺到有一舊嘢壓咗係屏幕上嘅折痕處。」，嗰位不幸嘅外國網民推測，嗰舊手指都Feel到嘅嘢，應該係一塊很硬嘅碎片，亦有可能係本身鉸鏈就有缺陷，所以頂屏幕。
唔少網民對於呢位嘗鮮勇氣表示佩服，佢哋指出，因為三星第一批機通常為咗要同對家爭，同為咗名氣，品質都係差到爆，仲話早年三星機頻頻爆炸，炸到連飛機都唔畀上，所以好佩服呢位嘗鮮勇者，仲話甩Mon小事，命仔緊要！唔少網民就反問佢，點解唔等華為？至少唔使拎條命駁先啦！
原圖：https://static.cnbetacdn.com/article/2019/04/f2f01291844e604.jpg